قانون الضرائب العقارية الجديد بمصر 2018

قانون الضرائب العقارية الجديد بمصر 2018

مساهمه منا لكل عملائنا بتوضيح موضوع الضرائب على العقارات , حتى نفيد عملائنا بكل معلومة هامة فى هذا الشأن , فقد قمنا باستخدام اللغة العاميه لإيصال المعلومة بشكل اسهل على جميع عملائنا و ذلك لأهمية الموضوع لدى الكثيرين ونأمل أن نكون عند حسن الظن دائما .

من يستحق دفع الضريبة العقارية ...........

توضيح لبعض النقاط الهامة المتعلقة بالضريبة على العقارات المبنية ( الضريبة العقارية ) بشكل مبسط :

أولاً : الوحدات السكنية الخاضعة للضريبة العقارية

تستحق الضريبة العقارية على الوحدات السكنية فى حالات ثلاثة :

-          تامة ومشغولة ”  يعنى مشطبة وأنت تستغلها ”

-           تامة وغير مشغولة ”  يعنى مشطبة بس أنت قافلها ومش مستغلها لأى سبب كان ”

-          مشغولة على غير إتمام ” يعنى لسه متشطبتش بس أنت بتستغلها ”

وبالتالى لو الشقة مش متشطبة وأنت لسه مستغلتهاش – كده أنت ميبقاش عليك ضريبة … لحد ما تشطبها وتبقى جاهزة للسكن– هنا بقى يبقى لازم تدفع الضريبة العقارية عليها … كده تمام

بس فى كل الأحول سواء كانت وحدتك عليها ضريبة أو لاء لازم تروح مأمورية الضرائب العقارية التابع ليها وحدتك ” شقتك ” وتقدم سند ملكيتك للوحدة ” شقتك يعنى ” وتوضح موقفها من الضريبة بنفسك .

ثانياً : حالات الإعفاء بالنسبة للوحدات السكنية :

لكل أسره أعفاء لوحدة واحدة فقط أقل من 2 مليون جنيه … يعنى أيه الكلام ده ؟؟؟

اللائحة التنفيذية عرفت الأسرة بأنها ( الزوج والزوجة والأولاد القصر ) ، معنى كده ان لو أسرة مكونة من 4 أشخاص وكل واحد فيهم عنده وحدة باسمه ، وهيتم اعفاء شقة واحد منهم  , تكون فى حدود 2 مليون جنيه والباقى عليه ضريبة أياً كان ثمن الوحدة .

وبكده لو الفرد عنده أكتر من وحده سكنية هتتعفى له وحدة واحده فقط أقل من 2 مليون جنيه اللى هى سكنه الخاص … وباقى الوحدات اللى بأسمه هيدفع عليها ضريبة ، أيا كان ثمنهم .

– طب واللى عنده وحدة واحدة بس وثمنها أكثر من 2 مليون جنيه يعمل أيه … 3 مليون جنيه مثلاً ؟؟؟

هيتعفى من ثمن الوحدة لحد 2 مليون جنيه والمليون الزيادة يتحاسب عليه ضريبة عقارية.

ملحوظة مهمة :

 لو عليك ضريبة عقارية و مروحتش دفعتها هيتحسب عليها مُقابل تأخير قيمته فائدة البنك المركزي المعلنة +  2% ، لكن وزير المالية أجل مقابل التأخير ده لحد يوم 15/8/2018 ، وكده عندك فرصة تروح تشوف موقفك من الضريبة العقارية وأنت مطمن .

علشان تعرف قيمة الضريبة المفروضة على وحدتك – والضريبة دى محسوبة عليك من أمتى و اتحسبت أزاى – و علشان تطلب إعفاء وحدتك من الضريبة – لازم تروح للمأمورية التابع ليها وحدتك السكنية .

-          نتشرف دائما باستقبال استفساراتكم و نقدم لكم كافة الاستشارات العقارية والهندسية

جيتس جروب 
مبدعى الابتكار
موبيل : 01063771155 2++
بريد الكترونى  :  Info@Gatesegypt.com
موقع الكترونى  :    www.Gatesegypt.com